Препаратнинг савдо номи: Амбро Таъсир этувчи модда (ХПН): амброксол Дори шакли: инъекция учун эритма 15 мг/2 мл, 2 мл Таркиби: 2 мл эритма қуйидагиларни сақлайди: фаол модда: 15,0 мг амброксол гидрохлориди (100% моддага қайта ҳисобланганда); ёрдамчи моддалар: лимон кислотаси моногидрати, натрий хлориди, натрий гидрофосфати гептагидрати, 1М хлорид кислотаси, инъекция учун сув. Таърифи: тиниқ, рангсиз ёки бироз бўялган суюқлик. Фармакотерапевтик гуруҳи: Шамоллаш симптомлари ва йўтални бартараф этиш учун қўлланадиган препаратлар. Балғам кўчирувчи препаратлар. Муколитиклар. Амброксол. АТХ коди: R05CB06.   Фармакологик хусусиятлари Фармакодинамикаси Амбро - муколитик препарат. Секретомотор, секретолитик ва балғам кўчирувчи таъсирларга эга; бронхлар шиллиқ қаватидаги безларнинг сероз ҳужайраларини рағбатлантиради, альвеолалар ва бронхларда шиллиқнинг миқдорини ва юза фаол моддаларни (сурфактант) ни ажралиб чиқишини оширади; балғамнинг сероз ва шиллиқ компонентларининг бузилган нисбатини нормаллаштиради. Гидролизловчи ферментларни фаоллаштириб ва Клар ҳужайраларидан лизосомаларни ажралиб чиқишини кучайтириб, балғамнинг қовушқоқлигини пасайтиради. Хилпилловчи эпителийнинг ҳаракат фаоллигини оширади, мукоцилиар транспортни оширади. Фармакокинетикаси Амброксолни сўрилиши тез ва етарли даражада тўлиқ бўлиб, терапевтик диапазонида тўғри пропорционал боғлиқликка эга. Қон плазмасида таъсир этувчи модданинг максимал концентрациясига 30 минут – 3 соатдан кейин эришилади. Қон плазмасида препаратнинг тахминан 90% протеинлар билан боғланади. Амброксолни қон ва тўқималар ўртасида тақсимланиши тез юз беради, фаол моддаларнинг юқори концентрацияси ўпкада кузатилади. Плазмадан ярим чиқарилиш даври 7-12 соатни ташкил этади; тўқималарда тўпланиши аниқланмаган. Амброксол жигарда асосан конъюгация йўли билан метаболизмга учрайди. Буйрак орқали 90% сувда эрувчан метаболитлар ҳолида, 5% ўзгармаган ҳолда чиқарилади. Оғир даражадаги СБЕ (сурункали буйрак етишмовчилиги) да Т_1/2 узаяди, жигар фаолиятини бузилишида ўзгармайди.   Қўлланилиши Амбро балғамнинг ажралиши ва кўчишини бузилиши билан кечувчи қуйидаги ўткир ва сурункали бронхопульмонал касалликлар секретолитик терапия мақсадида қулланилади:

• ўткир ва сурункали бронхит, пневмония;
• балғамни ажралиб чиқиши қийин бўлган бронхиал астма;

• бронхоэктатик касаллик

  Қўллаш усули ва дозалари Инъекция учун эритма мушак ичига, тери остига ёки вена ичига (секин оқим билан ёки томчилаб) юборилади. Вена ичига томчилаб юбориш учун 50 мл эритма 500 мл инфузион эритмада (эритувчи сифатида 0,9% ли натрий хлориди эритмаси, 5% ли декстроза эритмаси қўлланади) суюлтирилади. 2 соат давомида минутига 84 томчи тезликда юборилади. Катталарга 15 мг (1 ампула) суткада 2-3 марта, оғир ҳолатларда – 30 мг дан (2 ампула) суткада 2-3 марта юборилади. 2 ёшгача бўлган болаларга 7,5 мг (1/2 ампула) дан суткада 2 марта юборилади. 2 ёшдан 5 ёшгача бўлган болаларга – 7,5 мг (1/2 ампула) дан суткада 3 марта, 5 ёшдан ошган болаларга – 15 мг (1 ампула) дан суткада 2-3 марта юборилади. Чала туғилган ва янги туғилган чақалоқлардаги респиратор дистресс-синдромда Амбро нинг суткалик дозаси тана вазнига 10 мг/кг гача (оғир ҳолатларда – 30 мг/кг гача) оширилиб, 3-4 марта юборишга тақсимланади. Парентерал юбориш касалликнинг ўткир белгилари йўқолганидан сўнг тўхтатилади (ичга қабул қилиш ёки ректал юбориш шаклига ўтилади). Шифокорнинг кўрсатмасисиз препаратни 4-5 кундан ортиқ қўллаш тавсия этилмайди.   Ножўя таъсирлари Иммун тизими томонидан бузилишлар кам ҳолларда (≥1/10000 - ˂1/1000)

• юқори сезувчанлик реакциялари

Номаълум:

• анафилактик реакциялар, шу жумладан, анафилактик шок, ангионевротик шиш ва қичишиш

Меъда ичак томонидан бузилишлар Номаълум:

• кўнгил айниши, қусиш, диарея, диспепсия ва қоринда оғриқ

Тери ва тери ости тўқималари томонидан бузилишлар Кам ҳолларда:

• тошма, эшакеми

Номаълум:

• оғир турдаги тери реакциялар (экссудатив кўп шаклли эритема, Стивенс-Джонсон синдроми/токсик эпидермал некролиз ва ўткир тарқоқ экзантематоз пустулёз).

  Қўллаш мумкин бўлмаган ҳолатлар

• амброксолга ва/ёки препаратнинг бошқа компонентларига юқори сезувчанлик
• ҳомиладорликнинг I триместр ва лактация даврида.

  Дориларнинг ўзаро таъсири Йўтални камайиши фонида балғамни бронхлардан ажралиб чиқишини қийинлашиши сабабли, препаратни йўталга қарши фаолликка эга бўлган дори воситалари (масалан, кодеин сақловчи воситалар) билан бир вақтда қўллаш тавсия этилмайди. Амброксолни антибиотиклар (амоксициллин, цефуроксим, эритромицин, доксициллин ва бошқалар) билан бир вақтда қўллаш, антибиотикларни нафас йўлларига келишини яхшилайди, бу даволаш муддатини қисқартириши мумкин. Амбро инъекция учун эритмаси рН қиймати 6,3 дан юқори бўлган бошқа дори препаратлари билан бир шприцда ёки томчилагичда номутаносибдир, чунки улар кислотали ҳусусиятларга эга.   Махсус кўрсатмалар Амброксол гидрохлориди қўлланганида: Стивенс-Джонсон синдроми ва токсик эпидермал некролиз каби терининг оғир шикастланишларини жуда кам ҳолларда қайд этилган. Асосан улар асосий касалликнинг оғирлик даражаси ёки ёндош даволаш билан боғлиқдир. Бундан ташқари Стивенс-Джонсон синдроми ва токсик эпидермал некролизнинг илк босқичларида пациентларда тана ҳароратини кўтарилиши, бутун танада оғриқ, ринит, йўтал ва томоқда оғриқ каби симптомлари билан кечувчи носпецифик касалликнинг бошланишига ўхшаш белгилар билан намоён бўлиши мумкин. Бу белгилари пайдо бўлиши тиришишга қарши препаратлар билан керак бўлмаган симптоматик даволашни ўтказишга олиб келиши мумкин. Терини шикастланиш белгилари пайдо бўлга ҳолларда–пациент дарҳол шифокор томонидан кўрилади, амброксол гидрохлоридини қабул қилиш эса тўхтатилади. 1 ампулада 1 ммоль натрий (23 мг) сақланишини эътиборга олиш лозим Вена ичига тез юборилганида бош оғриғи, чарчоқ ва оёқларда оғирлик ҳисси қўзғатиши мумкин. Буйракнинг функционал хусусияти чекланганда ва/ёки жигарнинг оғир даражали касалликларида Амбро ни, қабул қилинаётган дозани камайтириб ва препаратни қабул қилиш орасидаги вақтни узайтириб, алоҳида эҳтиёткорлик билан қабул қилиш лозим. Дори воситасини автотранспорт ва потенциал ҳавфли механизмларни бошқариш қобилиятига таъсир қилиш хусусияти Дори воситасининг ножўя таъсирларини ҳисобга олиб, автотранспорт ёки потенциал хавфли механизмларни бошқаришда эҳтиёткорликка риоя қилиш керак.   Дозани ошириб юборилиши Симптомлари: қўзғалиш, диарея, сўлакни кўп ажралиши, қусиш ва гипотензия. Даволаш: симптоматик даволаш ўтказилади.   Чиқарилиш шакли 2 мл дан ёруғликдан ҳимояланган шприц билан тўлдирилган ва синдириш нуқтаси ёки халқаси бўлган ампулаларда. Ҳар бир ампулага қоғоз ёрлиқ ёпиштирилади. 5 ампуладан алюмин фольга ва поливинилхлорид плёнка контур уяли ўрамга жойланади. 1 еки 2 контур уяли ўрамлар давлат ва рус тилларидаги тасдиқланган тиббиётда қўлланилишига доир йўриқномаси билан бирга картон қутига жойланади. Давлат ва рус тилларидаги тасдиқланган тиббиётда қўлланилишига доир йўриқномадаги маълумотларни қутига ёзиш мумкин. Дори воситаси билан пачкалар картон қутиларга жойланади. Контур уяли ўрамлар (пачкага солинмаган ҳолда) сони бўйича давлат ва рус тилларидаги тасдиқланган тиббиётда қўлланилишига доир йўриқномалар билан картон қутиларга жойлаш рухсат берилади.   Сақлаш шароити Ёруғликдан ҳимояланган жойда 30^оС дан юқори бўлмаган ҳароратда сақлансин. Болалар ололмайдиган жойда, сақлансин.   Яроқлилик муддати 3 йил. Яроқлилик муддати ўтгач қўлланилмасин.   Дорихоналардан бериш тартиби Рецепт бўйича.   Ишлаб чиқарувчи/қадоқловчи номи ва давлати   “Химфарм” АЖ, Қозоғистон Республикаси, Шимкент ш., Рашидов кўч., 81   Қайд этиш гувоҳномасининг эгаси “Химфарм” АЖ, Қозоғистон Республикаси, Шимкент ш., Рашидов кўч., 81   Ўзбекистон Республикаси худудида маҳсулот (товар) сифати бўйича истеъмолчилар эътирозларни қабул қилувчи ташкилот манзили АЖ “Польфарма” ваколатхонаси Тошкент ш., Фидокор кўч., 32 Тел.: +99871 150-21-74, 150-21-75, 150-21-76 Факс: +998971 150-21-77

Препаратнинг савдо номи: Амбро Таъсир этувчи модда (ХПН): Амброксол Дори шакли: сироп Таркиби: 5 мл препарат қуйидагиларни сақлайди: фаол модда: амброксол гидрохлорид 15.0 мг; ёрдамчи моддалар: сорбитол 70%, метилпарагидроксибензоат, пропилпарагидроксибензоат, моногидрат лимон кислотаси, натрий цитрат, озиқ-овқатларга ишлатиладиган хушбўй модда, 0.1 М натрий гидроксид эритмаси, тозаланган сув. 5 мл препарат қуйидагиларни сақлайди: фаол модда: амброксол гидрохлорид 30.0 мг; ёрдамчи моддалар: сорбитол 70%, метилпарагидроксибензоат, пропилпарагидроксибензоат, моногидрат лимон кислотаси, натрий цитрат, озиқ-овқатларга ишлатиладиган хушбўй модда, 0.1 М натрий гидроксид эритмаси, тозаланган сув. Таърифи: тиниқ, бироз сарғиш сиропсимон ўзига хос хушбўй ҳидли суюқлик. Фармакотерапевтик гуруҳи: Респиратор тизими. Йўтал ва шамоллаш касалликларида қўлланиладиган препаратлар. Экспекторантлар, йўтални босувчи комбинациялар бундан мустасно. Муколитиклар. Амброксол. АТХ коди: R05CB06   Фармакологик хусусиятлари Фармакодинамикаси Клиника олди тадқиқотларида амброксол нафас йўлларида шиллиқ секрециясини ошириши тасдиқланган. Хилпилловчи эпителия тукларининг ҳаракатлантирувчи фаоллигини оширади, балғамнинг мукоцилиар транспортини кучайтиради, бу клиник-фармакологик тадқиқотларда намойиш этилган. Балғамнинг юқори секрецияси ва мукоцилиар клиренс балғам кўчишини осонлаштиради ва йўтални енгиллаштиради. Амброксолнинг оғриқсизлантирувчи таъсири клонланган нейрон натрий каналларининг дозага боғлиқ қайтарилувчан блокадасига асосланади. Амброксол гидрохлориднинг таъсирида қондан, шунингдек тўқима мононуклеар ва полиморфонуклеар ҳужайралардан цитокинлар бўшатилиши сезиларли даражада камаяди. Томоқда оғриғи бўлган пациентлар бўйича маълумотлар томоқда оғриқ ва қизаришнинг анча камайганлигини кўрсатган. Фармакокинетикаси Абсорбция Амброксол гидрохлорид узоқроқ биологик ярим парчаланиш даврига эга бромгексиннинг метаболити ҳисобланади. Перорал қабул қилинганидан сўнг, дори шаклидан қатъи назар (секин таъсирли дори шаклларидан ташқари), тез ва деярли тўлиқ сингиб кетади ҳамда жигарда кенг тизимолди метаболизмига етади. Максимал қон зардоби концентрациясига 2 соат (0,5-3 соат) давомида эришилади. Перорал қабул қилинганидан сўнг биокираолишлиги тахминан 20% ни ташкил этади. Тақсимланиши У ўпка, буйрак, меъда-ичак йўли каби тўқималарда тез тақсимланади, камроқ ўтиладиган аъзоларга ҳам ўтади (марказий нерв тизими, кўз), плацентар тўсиқ орқали ўтади, шунингдек кўкрак сутига ажратилади. Қон задоби оқсиллари билан боғлиқлиги тахминан 90% ни ташкил этади. Амброксол гидрохлориднинг тақсимланиш ҳажми тахминан 1,5 л / кг ни ташкил этади. Амброксол гидрохлорид перорал, вена ичига ёки мушак ичига юборилганидан сўнг ўпка тўқималарида энг юқори концентрациялар билан тўқималарда қон бўйича тез ва кенг тақсимланади. Қон зардобидан ярим чиқарилиш даври 7-12 соатни ташкил этади, кумуляция қайд этилмаган. Биотрансформация Ичга қабул қилинган дозанинг тахминан 30 фоизи биринчи босқичда чиқарилади. Одам организмида амброксол гидрохлорид иккита асосий метаболит билан кенг метаболизмга учрайди. Амброксол гидрохлорид конъюгатлар ёрдамида кўпроқ жигарда метаболланади. Элиминация Организмдан чиқариш учун конъюгация реакциясини пайдо қиладиган глюкуронидлар жуда муҳимдир. Оқибатда ушбу эрувчан конъюгатлар организмдан сийдик билан чиқарилади, камроқ даража – ахлатда ўт билан чиқарилади. Дозанинг тахминан 90 фоизи буйраклар орқали чиқарилади. Клиника олди хавфсизлиги маълумотлари Ҳайвонларда ўтказилган ўткир даражали токсиклик тадқиқотларида қуйидаги қийматлар LD₅₀ (мг/кг тана вазни) аниқланган:  

		П.о.	И.п.	И.в.	С.ц.
Сичқон	Урғочи	2700	620	138	1060
	Эркак	2420	576	138	1150
Каламуш	Урғочи	4202	297	-	1655
	Эркак	4495	270	-	1490
Денгиз чўчқалари		1180	280	-	-

  Ҳайвонларда интоксикация белгилари спонтан фаоллик пасайиши, атаксик ҳаракатлар, томир тортишишлар ва ҳансирашдан иборат бўлган. Гистологик тадқиқотда патологиялар аниқланмаган. Амброксол гидрохлорид жуда қуйи токсиклик индексига эга. 150 мг / кг (сичқон), 50 мг / кг (каламуш), 40 мг / кг (қуён) ва 50 мг / кг (ит) перорал дозалари – 6 ойдан сўнг ўтказилган такрорий тадқиқотларда ножўя таъсирлар кўрсатмаган дозалар ҳисобланади. Токсикологик нуқтаи назардан амброксол гидрохлорид ҳайвонларнинг мақсадли аъзоларида аниқланмаган. Каламушларда 3000 мг / кг гача ва қуёнларда 200 мг / кг гача перорал дозаларда ҳам эмбриотоксик ёки тератоген таъсирлар аниқланмаган. Эркак ва урғочи каламушлар фертиллиги 500 мг / кг гача дозаларда ҳам камаймаган. Перинатал ва постнатал ривожланишга нохуш таъсир кузатилмаган доза 50 мг / кг ни ташкил этган. 500 мг / кг доза урғочи каламушлар ва уларнинг болалари учун бироз токсик бўлган, бу тана вазни ошиши секинлашишига ва болалари сони камайишига олиб келган. Тадқиқотлар давомида мутагенлик (Эймс ва Микронуклеус тести) ва канцерогенлик (каламушлар ва сичқонларда ўтказилган тадқиқотлар) аниқланмаган. Каламушлар ва сичқонларда канцерогенлик юзасидан ўтказилган тадқиқотларда препаратнинг фаол моддаси канцерогенлик хусусиятларини намоён қилмаган.           Қўлланилиши Секреция бузилиши ва балғам кўчиши қийинлашиши билан хусусиятланувчи ўткир даражали ва сурункали бронхо-ўпка касалликлари секретолитик терапиясида қўлланилади.   Қўллаш усули ва дозалари Амбро 15 мг/ 5 мл Катталар ва 12 ёшдан катта ёшдаги болалар: Даволашнинг дастлабки 2-3 кунида бир суткада 3 маҳал 10 мл дан, кейинги кунларда бир суткада 2 маҳал 10 мл дан қабул қилинади. Алоҳида пациентлар гуруҳлари Болалар Алоҳида ёш тоифалари учун қуйидаги дозалашдан фойдаланилади: 2 ёшгача бўлган болалар бир суткада 2 маҳал 2,5 мл дан эритма қабул қиладилар. 2-5 ёшгача бўлган болалар бир суткада 3 маҳал 2,5 мл дан эритма қабул қиладилар. 5-12 ёшгача бўлган болалар бир суткада 2-3 маҳал 5 мл дан эритма қабул қиладилар. 2 ёшдан кичик ёшдаги болаларда препарат фақат шифокор билан маслаҳатлашилгандан сўнг қўлланилиши мумкин. Амбро 30 мг/ 5 мл Катталар ва 12 ёшдан катта ёшдаги болалар: Даволашнинг дастлабки 2-3 кунида бир суткада 3 маҳал 5 мл дан, кейинги кунларда бир суткада 2 маҳал 5 мл дан қабул қилинади. Алоҳида пациентлар гуруҳлари Болалар Алоҳида ёш тоифалари учун қуйидаги дозалашдан фойдаланилади: 12 ёшгача бўлган болалар учун дозалаш режими касалликнинг клиник манзараси оғирлик даражасига қараб белгиланади: 1 ёшдан 2 ёшгача бўлган болалар: бир суткада 2 маҳал 1,25 мл. 2 ёшдан 6 ёшгача бўлган болалар: бир суткада 3 маҳал 1,25 мл. 6 ёшдан 12 ёшгача бўлган болалар: бир суткада 2 маҳалдан 3 маҳалгача 2,5 мл дан. 2 ёшдан кичик ёшдаги болаларда препарат фақат шифокор билан маслаҳатлашилгандан сўнг қўлланилиши мумкин. Юбориш усули ва йўли Ичга қабул қилиш учун мўлжалланган. Қабул қилиш вақти кўрсатилган ҳолда қўлланишнинг такрорланиш тезлиги Препаратни овқатланишдан қатъи назар қабул қилиш мумкин. Даволаш муддати Қабул қилиш муддати чекланмаган, бироқ препарат шифокорнинг маслаҳатисиз 4-5 кундан кўпроқ муддат қўлланилмаслиги керак. Дори препаратининг бир ёки бир неча дозалари ўтказиб юборилганда талаб қилинадиган чоралар Ёддан чиқарилган доза ўрнини тўлдириш учун икки баравар дозани қабул қилманг. Бекор қилиш симптомлари хавфи мавжудлигига кўрсатма Қўлланилмайди. Дори препаратининг қўлланиш усулини тушуниб олиш учун тиббиёт ходимига маслаҳатлашиш мақсадида мурожаат қилишга доир тавсиялар Дори препаратини қабул қилишдан олдин маслаҳат олиш учун шифокорга ёки фармацевтга мурожаат қилинг.         Ножўя таъсирлари Ножўя ҳолатларнинг такрорланиш тезлигини аниқлаш қуйидаги мезонларга мувофиқ амалга оширилади: жуда тез-тез (>1/10); тез-тез (≥1/100 дан <1/10 гача); тез-тез эмас (≥1/1000 дан <1/100 гача); кам ҳолларда (≥1/10000 дан <1/1000 гача); жуда кам ҳолларда (<1/10000). Тез-тез

• таъм сезиш қобилиятларининг ўзгариши;
• томоқ сезувчанлиги камайиши;
• кўнгил айниши;
• оғиз шиллиқ қаватининг сезувчанлиги камайиши.

Тез-тез эмас

• диарея;
• қайт қилиш;
• овқат ҳазм қилиш тизимининг бузилиши;
• оғиз қуриши;
• қориндаги оғриқ;
• иситмалаш;
• шиллиқ қават маҳаллий реакциялари.

Кам ҳолларда

• ўта юқори сезувчанлик реакциялари;
• тошма;
• эшакеми;
• томоқ қуриши.

Жуда кам ҳолларда

• юқори сўлак ажралиб чиқиши.

Айрим кам ҳолларда/ Айрим ҳолатларда ва ҳ.к.

• анафилактик реакциялар (шу жумладан, анафилактик шок);
• ангиоэдема (тез шаклланадиган тери, териости қатламлари, шиллиқ қаватлар ёки шиллиқости асослари шиши);
• қичишиш;
• оғир даражали тери реакциялари (шу жумладан, мультиформли эритема, Стивенс-Джонсон синдроми/ токсик эпидермал некролиз ва ўткир даражали генерализацияланган экзантематоз пустулез);
• ҳансираш (ўта юқори сезувчанлик реакциялари симптоми каби).

  Нохуш реакциялар ҳақида маълумотлар Дори препаратларининг нохуш реакциялари пайдо бўлганда тиббиёт ходимига, фармацевтика ходимига ёки бевосита ахборот олиш учун дори препаратларининг нохуш реакциялари (таъсирлари) бўйича маълумотлар базасига, шу жумладан РГП дори препаратларининг ПХВ га самарасизлиги ҳақида Қозоғистон Республикаси Соғлиқни сақлаш вазирлиги товарлар ва хизматлар сифати ва хавфсизлигини назорат қилиш қўмитаси “Дори препаратлари ва тиббий ускуналар миллий экспертиза маркази” маълумотларига мурожаат қилинсин: http://www.ndda.kz   Қўллаш мумкин бўлмаган ҳолатлар - амброксол гидрохлориднинг таъсир этувчи моддасига ёки ёрдамчи моддаларининг исталган бирига ўта юқори сезувчанликда қўллаш мумкин эмас.       Дориларнинг ўзаро таъсири Амброксол гидрохлориднинг антибиотиклар (амоксициллин, цефуроксим, эритромицин, доксициклин) билан бирга қўлланилиши ўпка тўқималарида антибиотиклар концентрациялари ошишига олиб келади. Амбро йўтални босувчи моддалар (кодеин каби йўталга қарши дори препаратлари) билан бирга қўлланилганида йўтал босилган шароитда балғам кўчиши қийинлашишига олиб келади. Тегишли равишда, ушбу моддалар амброксол гидрохлорид билан бирга қўлланилмаслиги керак. Бошқа препаратлар билан клиник аҳамиятли нохуш ўзаро таъсирлар ҳақида маълум қилинмаган.   Махсус кўрсатмалар Бронхлар моторикаси бузилиши ва балғам юқори тўпланиши ҳолатларида амброксол гидрохлорид алоҳида эҳтиёткорлик билан қўлланилиши керак. Меъда ва ўн икки бармоқ ичак ўткир даражали ярали касалликлари бўлган пациентларда алоҳида эҳтиёткорлик билан қўлланилиши керак. Буйраклар функционал қобилияти чекланган ёки оғир даражали жигар касалликлари ҳолатларида амброксол гидрохлорид алоҳида эҳтиёткорлик билан қўлланилиши керак (масалан, дозалаш интервалини узайтириш ёки қабул қилинадиган дозани камайтириш керак). Амброксол гидрохлорид қўлланилганда мультиформли эритема, Стивенс-Джонсон синдроми, токсик эпидермал некролиз ва ўткир даражали генерализацияланган экзантематоз пустулез каби оғир даражали тери шикастланишлари ҳолатлари қайд этилган. Кучайиб борувчи тери тошмаси симптомлари ёки белгилари пайдо бўлган ҳолатда (баъзан қавариқлар ёки шиллиқ қават шикастланишлари шаклида) шифокорга мурожаат қилиш ва амброксол гидрохлоридни қабул қилишни дарҳол тўхтатиш керак. 5 мл Амбро сиропида 1,2 г сорбитол сақланади, максимал суткалик дозасида (20 мл) 4,9 г гача сорбитол сақланади. Фруктозага ирсий чидамсизлик бўлган пациентларга қўлланилиши мумкин эмас. Сорбитол ўртача бўшаштирувчи таъсирга эга; сорбитолнинг калориялилиги – 2,6 ккал/г. Ҳомиладорлик ва эмизиш даврида қўлланилиши Амброксол гидрохлорид плацентар тўсиқ орқали ўтади. Ҳомиладорликнинг 28-ҳафтасидан сўнг амброксол гидрохлорид қўлланилиши (шу жумладан, респиратор дистресс-синдроми олдини олиш учун амброксол гидрохлориднинг пренатал юборилиши) ҳомилага салбий таъсирининг бирон-бир далил-исботини намойиш этмаган. Бироқ, ҳомиладорлик вақтида, айниқса, ҳомиладорликнинг биринчи уч ойлигида дори препаратларини қабул қилишнинг умумий қоидаларига риоя этиш керак. Ҳомиладорликнинг иккинчи ва учинчи уч ойлигида дори препарати она учун кутиладиган фойда ҳомила учун потенциал хавфдан юқори бўлган ҳолатдагина қўлланилиши мумкин. Амброксол гидрохлорид кўкрак сути билан ажратиб чиқарилади, шу туфайли кўкракдан эмизиш даврида препаратнинг қўлланилиши тавсия этилмайди. Автомобилни ва мураккаб механизмларни бошқариш қобилиятига таъсири Амбро транспорт воситасини бошқариш ва потенциал хавфли механизмлардан фойдаланиш қобилиятига бироз таъсир этади ёхуд таъсир этмайди.   Дозанинг ошириб юборилиши Симптомлари: Амброксол гидрохлорид ҳаддан ташқари катта терапевтик тарқалишга эга модда бўлиб, ҳозирги вақтгача одамларда интоксикация ҳолатлари қайд этилмаган. Даволаш: Организм интоксикацияси ҳолатида симптоматик терапия ўтказилади.   Чиқарилиш шакли 100 мл дан препарат винтли бўғизли, биринчи очилиш назоратли бураб очиладиган ва болаларда ҳимояланган тиқин қопқоқли тўқ рангли шиша флаконларга қуйилади. Ҳар бир флаконга ёрлиқ елимлаб қўйилади. Ҳар бир флакон давлат ва рус тилларидаги тиббиётда қўлланилишига доир йўриқнома ҳамда ўлчов қошиғи билан бирга картон қутичага жойлаштирилади. Давлат ва рус тилларида тасдиқланган тиббиётда қўлланилишига доир йўриқномадан ахборот қутичага ёзилиши мумкин. Препарат солинган қутичалар картондан тайёрланган қутига жойлаштирилади.   Сақлаш шароити      Оригинал ўрамда 25°C дан юқори бўлмаган ҳароратда сақлансин. Болалар ололмайдиган жойда сақлансин!   Яроқлилик муддати 2 йил. Қадокни биринчи очилишидан кейин яроклилик муддати 4 ҳафта. Яроқлилик муддати ўтганидан сўнг қўлланилмасин.   Дорихоналардан берилиш тартиби Рецептсиз.   Ишлаб чиқарувчи маълумотлар «Химфарм» АЖ, Қозоғистон Республикаси, Шымкент шаҳри, Рашидов кўчаси, 81. Телефон рақамлари: +7 7252 (610151) Автожавоб берувчи рақамлари: +7 7252 (561342) Электрон почта манзили: complaints@santo.kz   Рўйҳатдан ўтказилганлик гувоҳномасининг эгаси «Химфарм» АЖ, Қозоғистон Республикаси, Шымкент шаҳри, Рашидов кўчаси, 81. Телефон рақамлари: +7 7252 (610151) Автожавоб берувчи рақамлари: +7 7252 (561342) Электрон почта манзили: complaints@santo.kz   Ўзбекистон Республикаси ҳудудида истеъмолчилардан дори воситаларнинг  сифати бўйича даъволарни (таклифларни) қабул қилувчи ташкилотнинг номи ва манзили: «Химфарм» АЖ нинг Ўзбекистондаги ваколатхонаси Тошкент ш., Козитарнов кўчаси, 50 Тел: +99897 107 55 53    Қозоғистон Республикаси дори воситалари хавфсизлигини рўйхатдан ўтказилгандан сўнг кузатув  учун масъул бўлган ташкилотнинг номи, манзили ва алоқа маълумотлари (телефон, факс, электрон почта) “Химфарм” АЖ Қозоғистон Республикаси, Шымкент ш., Рашидов кўчаси, 81 Телефон рақами +7 7252 (610150) Электрон почта  манзили phv@santo.kz; infomed@santo.kz

Препаратнинг савдо номи: Амбро   Таъсир этувчи модда (ХПН): амброксол   Дори шакли: таблеткалар, 30 мг   Таркиби: битта таблетка қуйидагиларни сақлайди: фаол мода: амброксол гидрохлориди 30.0 мг; ёрдамчи моддалар: лактоза моногидрати, микрокристаллик целлюлоза,  прежелатинланган крахмали, коллоидли сувсиз кремний диоксиди (аэросил), кальций стеарати.   Таърифи: оқ ёки сарғиш тусли оқ рангли ясси цилиндр шаклли таблеткалар. Таблетканинг бир томонида фаска, бошқа томонида - фаска ва хоч шаклидаги фирма логотипи мавжуд.   Фармакотерапевтик гуруҳи: респиратор тизими. Йўтал ва шамоллаш касалликларида қўлланилувчи препаратлар. Йўтални бостирувчи воситалар билан бирикмаларни мустасно қилган экспекторантлар.  Муколитиклар. Амброксол.   АТХ коди: R05CB06   Фармакологик ҳусусиятлари Фармакодинамикаси Клиникадан олдинги синовлар шуни кўрсатдики, препаратнинг фаол моддаси бўлган амброксол гидрохлориди бронхиал секрецияларнинг сероз компонентини рағбатлантиради. Шунингдек, бронхиолалардаги алвеолалар ва Клара ҳужайраларида жойлашган II типдаги пневмоцитларга тўғридан-тўғри таъсир қилиш натижасида сирт фаол моддалар секрециясини кучайтиради, шунингдек киприкчали эпителийнинг фаолиятини рағбатлантиради. Таърифланган таъсирлар балғам қайишқоқлигини пасайишига ва мукоцилиар клиренсининг яхшиланишига олиб келади. Мукоцилиар клиренсининг яхшиланиши клиник фармакологик тадқиқотларда намойиш этилган. Балғамнинг сероз компоненти секрециясининг ортиши ва мукосилиар клиренснинг кучайиши балғамнинг чиқарилишига ёрдам беради ва йўтални енгиллаштиради. Узоқ муддатли таъсир кўрсатадиган амброксол гидрохлоридни 6 ой давомида қабул қилган Сурункали обструктив ўпка касаллиги (СОЎК) билан оғриган беморларда даволашнинг 2-ойи охирига келиб плацебо билан солиштирганда зўрайишларнинг сезиларли пасайиши қайд этилди. Амброксол гидрохлорид гуруҳидаги беморларда касаллик кунларининг сезиларли пасайиши ва антибактериал препаратларни қабул қилиш кунларининг камайиши кузатилди. Шунингдек, амброксол гидрохлорид гуруҳида плацебо билан таққослаганда балғамни чиқариш қийинлиги, йўтал, нафас қисилиши ва аускултатив белгилари каби статистик жиҳатдан сезиларли яхшиланиши кузатилди. Амрбоксол гидрохлориднинг маҳаллий оғриқ қолдирувчи таъсири қуён кўзи моделида олиб борилган тадқиқотларда кузатилган ва, эҳтимол, натрий каналларини препарат билан тўсиб қўйиш билан боғлиқ. In vitro тестлар шуни кўрсатдики, препарат нейрон натрий каналларини қайтарилувчан ва дозага боғлиқ равишда блоклайди. In vitro ҳолда амброксол гидрохлориднинг яллиғланишга қарши таъсири борлиги аниқланди. In vitro тестларда у цитокинларнинг циркуляцион ва тўқима мононуклеар ва полиморфонуклеар ҳужайраларидан чиқарилишини сезиларли даражада камайтирди. Томоқ оғриғи билан оғриган беморларда ўтказилган клиник тадқиқотлар шуни кўрсатдики, амброксол гидрохлорид шимилувчи таблетка шаклида томоқдаги оғриқ ва қизаришни сезиларли даражада камайтиради. Ушбу фармакологик хусусиятлар амброксол ингаляцияси юқори нафас йўлларининг касалликларини даволашда фойдаланилганда оғриқни тез пасайишини таъминлайдиган клиник самарадорлик тадқиқотларининг қўшимча кузатувларини таъкидлайди. Амрбоксол гидрохлориддан фойдаланиш амоксициллин, цефуроксим, эритромицин ва доксициклин каби антибиотикларнинг балғам ва бронхлар секрецияси консентрациясини оширади. Бугунги кунга қадар ушбу таъсирнинг клиник аҳамияти исботланмаган. Фармакокинетикаси Абсорбцияси Амброксол гидрохлоридни зудлик билан чиқарилувчи, оғиз билан қабул қилинадиган шаклларидан сўрилиши тез ва терапевтик диапазондаги чизиқли боғлиқликлар билан жуда тўлиқдир. Қон плазмасидаги максимал концентрацияга зудлик билан чиқариладиган дори шакли ичга қабул қилингандан сўнг 1-2,5 соат ичида ва узоқ муддат таъсир қиладиган дори шакли ичга қабул қилганидан кейин ўртача 6,5 ​​соат ичида эришилади. Тақсимланиши  Амбоксол гидрохлориднинг қондан тўқималарга тақсимланиши тез ва аниқ бўлиб, таъсир қилувчи моддаларнинг энг юқори концентрацияси ўпкада учрайди. Ичга қабул қилингандан кейин тақсимланиш ҳажми 552 литрни ташкил қилади. Терапевтик диапазонда плазмадаги оқсиллар билан боғланиш тахминан 90% ни ташкил қилади. Биотрансформацияси ва элиминацияси Ичга қабул қилинган дозанинг тахминан 30%  метаболизмдан биринчи ўтишдаёқ ажралиб чиқади. Амброксол гидрохлориднинг метаболизми асосан жигарда глюкурон кислотасининг бирикиши ва дибромантранил кислотаси қисман бўлиниши билан содир бўлади (дозанинг тахминан 10% ). Инсон жигари микросомаларини ўрганиш шуни кўрсатдики, CYP3A4 амброксол гидрохлориднинг дибромантранил кислотасидаги метаболизми учун жавобгардир. Оғиз орқали қабул қилишда 3 кун ичида дозанинг тахминан 6% эркин шаклда аниқланади, дозанинг тахминан 26% эса сийдикда конъюгат шаклида пайдо бўлади. Амброксол гидрохлориднинг организмдан ярим чиқарилиш даври 10 соат. Умумий клиренс 660 мл / дақ диапазонида бўлиб, буйрак клиренси умумий клиренснинг тахминан 8% ни ташкил қилади. 5 кундан кейин қабул қилинган дозанинг тахминан 83% сийдик билан чиқарилади. Махсус бемор гуруҳларидаги фармакокинетикаси Жигар функцияси бузилган беморларда амброксол гидрохлориднинг чиқарилиши пасаяди, бу эса унинг қон плазмасидаги даражасининг 1,3-2 баравар кўпайишига олиб келади. Препаратнинг юқори терапевтик индекси туфайли дозага тузатиш киритиш талаб қилинмайди. Амбоксол фармакокинетикаси клиник жиҳатдан ишончли равишда ёш ва жинсга боғлиқ эмас, шунинг учун дозани ўзгартириш талаб қилинмайди. Амброксол гидрохлориднинг биологик кирувчанлиги овқат истеъмол қилишга боғлиқ эмас.   Қўлланилиши Секрециянинг бузилиши ва балғам кўчишининг қийинлашиши билан тавсифланувчи ўткир ва сурункали бронх-ўпка касалликларининг секретолик муолажасида кўлланилади.   Қўллаш усули ва дозалари Дозалаш режими Катталар ва 12 ёшдан ошган болаларда: 1 та таблеткадан (30 мг) кунига 3 марта, дастлабки 2-3 кун давомида (3 марта 30 мг данга тенг), сўнгра кунига 2 марта 1 та таблеткадан (2 марта 30 мг данга тенг). Зарурат туғилганда, терапевтик таъсирни кучайтириш учун кунига 2 марта 2 та таблеткадан буюриш мумкин (кунига 120 мг амброксол гидрохлоридга тенг). Қабул қилиш давомийлиги шифокор томонидан алоҳида белгиланади. Препаратни шифокор маслаҳатисиз 4-5 кундан ортиқ қабул қилмаслик керак. Беморларнинг махсус гуруҳлари Болалар 6 ёшдан 12 ёшгача бўлган болалар: ½ та таблеткадан (кунига 2-3 марта 15 мг данга тенг) кунига 2-3 марта. Қабул қилиш усули ва йўли Ичга, етарли миқдорда суюқлик билан, чайнамасдан қабул қилинади. Препаратни овқатланишдан қатъий назар қабул қилиш мумкин. Даволанишнинг давомийлиги Препаратни шифокор маслаҳатисиз 4-5 кундан ортиқ қабул қилмаслик керак. Дори препаратнинг бир ёки бир нечта дозасини ўтказиб юборишда зарур бўлган чоралар Қабул қилиш унутилган дозани тўлдириш учун икки марталик дозани қабул қилманг. Дори препаратидан фойдаланиш усулини тушунтириш учун тиббиёт ходимига маслаҳат олиш мақсадида мурожаат қилиш бўйича тавсиялар Ушбу дори препаратини қабул қилишдан олдин маслаҳат олиш учун тиббиёт ходимига мурожаат қилинг.   Ножўя таъсири Иммунитет тизими томонидан бузилишлар Кам ҳолларда: юқори сезувчанлик реакциялари Номаълум: анафилактик реакциялар (шу жумладан анафилактик шок), ангионевротик шиш, қичишиш Тери ва тери ости тўқималари томондан бузилишлар Кам ҳолларда: тошма, эшак еми Номаълум: оғир шаклдаги тери шикастланишлари (шу жумладан мултиформали эритема, Стивенс-Жонсон синдроми / токсик эпидермал некролиз ва ўткир умумийлашган экзематоз пустулёз) Нерв тизими томонидан бузилишлар Тез-тез: таъм билишнинг бузилиши Меъда-ичак тизими функциясидаги бузилишлар Тез-тез: кўнгил айниши, тилнинг увушиб қолиши Тез-тез эмас: қусиш, диарея, диспепсия, қорин оғриғи, оғизни қуриши Кам ҳолларда: томоқ қуриши Жуда кам ҳолларда: сўлак оқиши Нафас олиш тизими, кўкрак қафаси  ва кўкс оралиғи аъзолари томонидан бузилишлар Тез-тез эмас: томоқ увушиши Жуда кам ҳолларда: нафас қисилиши, бронхоспазм (асосан нафас йўлларининг юқори сезувчанлиги бўлган беморларда) Номаълум: нафас қисилиши (ўта юқори сезувчанлик реакцияси белгиси сифатида) Бошқалар Тез-тез эмас: иситма, шиллиқ қават томонидан маҳаллий реакциялар   Дори воситасига нисбатан салбий реакциялар юзага келган тақдирда, шу жумладан дори препарати самарасизлиги тўғрисида хабар бериш учун тиббий мутахассисга, фармацевт ходимга ёки дори воситаларининг ножўя реакциялари (таъсирлари) тўғрисидаги маълумотлар базасига тўғридан-тўғри мурожаат қилинг. Қозоғистон Республикаси Соғлиқни сақлаш вазирлиги Тиббиёт ва фармацевтика назорати қўмитасининг "Дори воситалари ва тиббий буюмларни экспертиза қилиш миллий маркази" ХЙҲ асосидаги РДК. http://www.ndda.kz   Қўллаш мумкин бўлмаган ҳолатлар - амброксол гидрохлориднинг фаол моддасига ёки ёрдамчи моддаларнинг бирортасига ўта юқори сезувчанлик - галактозага ирсий таъсирчанлик, Lapp ферменти (ЛАПП)  - лактаза танқислиги, глюкоза-галактозанинг малабсорбцияси. - 6 ёшгача бўлган болаларда қўллаш мумкин эмас   Дориларнинг ўзаро таъсири Амброни йўтални бостирадиган моддалар билан бирга қўлланганда, йўтални бостириш фонида секрецияларнинг хавфли турғунлигига олиб келади. Шу сабабли, биргаликда фойдаланиш фақат хавф ва фойда нисбати синчковлик билан баҳолангандан сўнг амалга оширилиши керак.   Махсус кўрсатмалар Амброксол гидрохлоридни қўллашда, жуда кам учрайдиган Стивенс-Джонсон синдроми, токсик эпидермал некролиз ва ёйилган ўткир экзантематоз пустулёз каби терининг оғир шикастланиш ҳолатлари қайд қилинган. Агар прогрессив тери тошмаларининг аломатлари ёки белгилари пайдо бўлса (баъзида пўрсилдоқлар ёки шиллиқ қаватнинг шикастланиши шаклида), шифокорга мурожаат қилиш ва амброксол гидрохлоридни қабул қилишни дарҳол тўхтатиш керак. Амброксол гидрохлориди бронхлар моторикаси бузилган ва кўп миқдорда балғам тўпланиб қолган ҳолатларда айниқса эҳтиёткорлик билан қўлланилиши керак. Буйрак етишмовчилиги ёки жигар фаолиятининг оғир бузилиши ҳолатларида Амбро таблеткалари фақат шифокор маслаҳатидан кейин қўлланилиши керак. Жигарда метаболизмга учрайдиган ва буйраклар орқали чиқариладиган бошқа препаратларда бўлгани каби, оғир буйрак етишмовчилиги мавжуд ҳолларда, жигарда ҳосил бўлган амброксол гидрохлорид метаболитлари организмда тўпланиши мумкин. Махсус огоҳлантиришлар Препарат таркибида лактоза мавжуд. Галактозага таъсирчанлик, Lapp ферменти (ЛАПП) -лактаза танқислиги, глюкоза-галактоза малабсорбцияси бўлган одамларда беморда қўллашга рухсат берилмайди. Ҳомиладорлик ва лактация даврида қўлланилиши Амброксол гидрохлориди плацента тўсиғидан ўтади. Ҳомиладорликнинг 28 ҳафтасидан кейин амброксол гидрохлориддан фойдаланиш (шу жумладан, респиратор дистресс-синдромининг олдини олиш учун амброксол гидрохлоридни пренатал юбориш) ҳомилага салбий таъсир кўрсатадиган далилларни намоён этмади. Аммо ҳомиладорлик пайтида, айниқса биринчи триместрда дори воситаларини қабул қилишнинг умумий тамойилларига риоя қилиш керак. Амброксол гидрохлориди она сути билан ажралиб чиқади, шунинг учун кўкрак билан эмизиш вақтида препаратни қабул қилиш тавсия этилмайди. Клиникадан олдинги тадқиқотлар фертилликка бевосита ёки билвосита салбий таъсирни кўрсатмади. Автомобилни ва мураккаб механизмларни бошқариш қобилиятига таъсири Препаратни автомобил ёки механизмларни бошқариш қобилиятига таъсир кўрсатиш ҳолатлари ҳақида хабарлар йўқ. Тадқиқотлар олиб борилмаган.   Дозани ошириб юборилиши Одамларда дозани ошириб юбориш ҳолатлари ҳақида маълумотлар мавжуд эмас. Дозани тасодифан ошириб юбориш ҳолатида, тавсия этилган дозаларда қўлланганда юзага келувчи ножўя таъсирлар билан ўхшаш симптомлар кузатилиши мумкин. Бундай ҳолда симптоматик терапия амалга оширилади.   Ишлаб чиқарилиш шакли 10 таблеткадан поливинилхлорид пленка ва алюмин фольгали контур уяли ўрамда. 2 контур уяли ўрам давлат ва рус тилидаги, тасдиқланган тиббиётда қўлланилишига доир йўриқномаси билан бирга картон қадоқга жойланган. Давлат ва рус тилида тасдиқланган тиббиётда қўлланилишига доир йўриқномадан олинган маълумотни қадоқга ёзишга рухсат берилади. Қадоқлар картон қутига жойланади.   Сақлаш шароити 30°С дан юқори бўлмаган ҳароратда, қуруқ, ёруғликдан ҳимояланган жойда сақлансин. Болалар ололмайдиган жойда сақлансин!   Яроқлилик муддати 3 йил. Яроқлилик муддати ўтгач қўлланилмасин.   Дорихоналардан бериш тартиби Рецептсиз.   Ишлаб чиқарувчи маълумотлар  “Химфарм” АЖ, Қозоғистон Республикаси, Шымкент ш., Рашидов кўч., 81 Tелефон рақами:  +7 7252 (610151) Жавоб бериш рақами: +7 7252 (561342) Электрон почтаси манзили: complaints@santo.kz   Рўйхатдан ўтказилганлик гувоҳномаси эгаси  “Химфарм” АЖ, Қозоғистон Республикаси Шымкент ш., Рашидов кўч., 81 Tелефон рақами:  +7 7252 (610151) Жавоб бериш рақами: +7 7252 (561342) Электрон почтаси манзили: complaints@santo.kz   Ўзбекистон Республикаси ҳудудида истеъмолчилардан дори воситаларнинг  сифати бўйича даъволарни (таклифлар) қабул қилувчи ташкилотнинг номи ва манзили: «Химфарм» АЖ Ўзбекистондаги ваколатхонаси 100084, Тошкент ш., Козитарнов кўч, 50 Тел: +99897 107 55 53   Қозоғистон Республикаси ҳудудида истеъмолчилар томонидан дори воситаларининг сифати бўйича шикоятларни (таклифларни) қабул қиладиган ва дори воситаси рўйхатдан ўтказилгандан сўнг хавфсизлигини назорат қилиш учун масъул бўлган ташкилотнинг номи, манзили ва алоқа маълумотлари (телефон, факс, электрон почта). “Химфарм” АЖ, Қозоғистон Республикаси Шымкент ш., Рашидов кўч., 81. Телефон рақами: 7252 (610150) Электрон почта манзили phv@santo.kz; informed@santo.kz

Препаратнинг савдо номи: Боботик^® Таъсир этувчи модда (ХПН): симетикон Дори шакли: ичга қабул қилиш учун томчилар. Таркиби 1 мл сақлайди: фаол модда: симетикон (кремний икки оксиди билан фаоллаштирилган диметикон) 66,66 мг/мл; ёрдамчи моддалар: натрий сахаринати, метилпарагидроксибензоати, пропилпарагидроксибензоати, натрий кармеллоза, лимон кислотаси моногидрати, малина хушбўйи, тозаланган сув. Таърифи: оқиш ёки оч кремсимон рангли, нордон-ширин таъмли, мева ҳидли қуюқ, тиниқ бўлмаган суюқлик. Фармакотерапевтик гуруҳи: ичакнинг функционал бузилишларида қўлланадиган препаратлар. АТХ коди: А03АХ13   Фармакологик хусусиятлари Фармакодинамикаси Ел ҳайдовчи восита. Симетикон (фаоллаштирилган диметикон) - бу триметилсилоксил гуруҳлари томонидан кремний диоксиди билан барқарорлаштирилган, метилланган тўғри чизиқли силоксан полимерларининг мажмуасидир. Фазалар бўлиниши чегарасида сирт таранглигини пасайтириб, озуқа осилмасида ва меъда-ичак йўллари (МИЙ) нинг шиллиғида газ пуфакчаларини ҳосил бўлишини қийинлаштиради ва уларни парчаланишига ёрдам беради. Бунда ажралиб чиқаётган газлар ичак деворлари томонидан ютилиши ёки перистальтика туфайли чиқарилиши мумкин. Бу оғриқли дам бўлишларни чақирувчи катта газли-шиллиқли конгломератларнинг ҳосил бўлишини олдини олади. Соно- ва рентгенографияда тасвир нуқсонларининг пайдо бўлишини олдини олади; контраст плёнкани парчаланишига тўсқинлик қилиб, йўғон ичакнинг шиллиқ қаватини контраст препаратлар билан яхши ёпилишига ёрдам беради. Фармакокинетикаси Симетикон перорал юборилганидан кейин МИЙ дан сўрилмайди ва аҳлат билан ўзгармаган ҳолда чиқарилади. Кимёвий инертлиги туфайли МИЙ даги микроорганизмлар ва ферментларга таъсир кўрсатмайди. Овқатнинг сўрилишини камайтирмайди, меъда ширасининг реакцияси ва ҳажмини ўзгартирмайди.   Қўлланилиши

• МИЙ да кучли газ ҳосил бўлиши ва газларни тўпланиши (оғриқли санчиқлар, қорин бўшлиғида тўлиб кетиш ҳисси, аэрофагия, диспепсия, метеоризм, шу жумладан операциядан кейинги даврдаги, Ремгельд синдроми).
• Қорин бўшлиғи ва кичик чаноқ аъзоларининг диагностик текширувларга тайёрлаш (рентгенография, сонография, гастроскопия ва дуоденоскопия - кўпик ҳосил бўлишини олдини олиш).
• Иккиёқлама контраст тасвирни олиш учун контраст воситаларнинг суспензиясига қўшимча сифатида.
• Ювувчи воситалар билан ўткир заҳарланишларда кўпикни сўндирувчи восита сифатида қўлланилади.

  Қўллаш усули ва дозалари Ичга қабул қилиш учун буюрилади. Истеъмол қилишдан олдин бир хил эмульсия олингунича чайқатиш керак. Препаратнинг дозасини аниқ ўлчаш учун, томчилаш вақтида флаконни вертикал ушлаш керак. МИЙ соҳасида кучли газ ҳосил бўлиши ва газларни тўпланиши: Боботик одатда кунига уч марта овқатдан кейин ва уйқудан олдин қўлланади:

• эмизикли болалар ва 3 ёшгача бўлган болалар 8 томчидан (20 мг симетикон) суткада 4 марта
• 3 ёшдан 6 ёшгача бўлган болалар 14 томчидан (35 мг симетикон) суткада 4 марта
• 6 ёшдан ошган болалар ва катталар 16 томчидан (40 мг симетикон) суткада 4 марта.

Препаратни қулайроқ қўллаш учун, хусусан кичик болаларда, уни қайнатиб совутилган сув, болалар озуқаси, ёки газланмаган суюқликнинг оз миқдори билан олдиндан аралаштириш мумкин. Даволаш лоҳаслик йўқолгунича давом эттирилади. Агар керак бўлса, Боботикни узоқроқ вақт давомида ишлатиш мумкин. Диагностик муолажаларга тайёрлаш: МИЙ нинг рентгенографик тадқиқоти: Тадқиқотдан бир кун олдин эрталаб ва кечқурун қуйидаги дозани қабул қилиш керак.:

• эмизикли болалар ва 3 ёшгача бўлган болалар 10 томчидан (25 мг симетикон) суткада 2 марта
• 3 ёшдан 6 ёшгача бўлган болалар 16 томчидан (40 мг симетикон) суткада 2 марта
• 6 ёшдан ошган болалар ва катталар 20 томчидан (50 мг симетикон) суткада 2 марта.

МИЙ ни сонографик тадқиқоти: Тадқиқотдан бир кун олдин эрталаб ва кечқурун (ёшга қараб) рентгенографик тадқиқотга тайёрлашдаги каби препаратнинг худди шундай миқдорини қабул қилиш керак. Тадқиқот бошланишидан уч соат олдин дозани такрорлаш керак.   Ножўя таъсирлари Ножўя самаралари тўғрисида хабарлар йўқ. Барча пайдо бўлган ножўя самаралари, шу жумладан йўриқномада кўрсатилмаган самаралари тўғрисида даволовчи шифокорга хабар бериш керак.   Қўллаш мумкин бўлмаган ҳолатлар

• симетиконга ва/ёки препаратнинг бошқа компонентларига юқори сезувчанлик
• ичакнинг ўтказмаслиги
• МИЙнинг обструктив касалликларида қўллаш мумкин эмас.

  Дориларнинг ўзаро таъсири Айрим хабарлардан маълум бўлишича, симетикон перорал антикоагулянтларнинг сўрилишини бузилишини чақириши мумкин. Препаратни қабул қилиш айрим диагностик тестлар, масалан гваяк қатронини ишлатилиши билан ўтказилувчи тестнинг натижаларини ўзгартириши мумкин, аммо, тезкор уреаз меш натижаларига таъсир килмайди (Helicobacter pylori диагностикаси). Симетикон левотироксинни боғлаши мўмкин. Беморларда бир вақтнинг ўзида тироид касалликларини даволаш учун Боботик ва левотироксинни қабул қилишда левотироксиннинг емиши бузилади.   Махсус кўрсатмалар Боботик қанд сақламайди, қандли диабети ва овқат ҳазм бўлишини бузилиши бўлган беморларда қўллаш мумкин. Боботикни қўллаш даврида газланган ичимликларни ичиш тавсия қилинмайди. Препарат метилпарагидроксибензоат ва пропилпарагидроксибензоат саклайди бунинг билан боглик аллергик реакцияларга олиб келиши мумкин (кечикишли реакциялар бўлиши мумкин). Ҳомиладорлик ва лактация даври Препарат ҳомиладорлик вақтида фақат агар она учун фойда, хомила учун хавфда юқори бўлганда буюриш керак. Эмизишда препаратни кўллаш буйча маълумот йўк. Транспорт воситаларини ҳайдаш ва механик қурилмаларга хизмат кўрсатиш қобилиятига таъсири Таъсир қилмайди.   Дозани ошириб юборилиши Препарат кимёвий жиҳатдан инерт ва МИЙ да сўрилмайди, ҳозирги вақтгача Боботикнинг дозасини ошириб юборилиши тўғрисида маълумотлар йўқ.   Чиқарилиш шакли 30 мл дан полиэтилен тиқин-томчилагич ва буралувчи полиэтилен қопқоқли тўқ шиша флаконларда. Ёрлиғи ва тиббиётда қўлланилишига доир йўриқномаси билан жиҳозланган флакон индивидуал картон қутиларга жойланади.   Сақлаш шароити Оригинал ўрамда, 25°С дан юқори бўлмаган ҳароратда сақлансин. Болалар ололмайдиган жойда сақлансин.   Яроқлилик муддати 3 йил. Ўрамида кўрсатилган яроқлилик муддати ўтганидан сўнг қўлланилмасин.   Дорихоналардан  бериш тартиби Рецептсиз.   Рўйҳатдан ўтказилганлик гувоҳномасининг эгаси «Химфарм» АЖ Қозоғистон Республикаси, 160019, Шымкент ш., Рашидов кўч., 81   Ишлаб чиқарувчи Pharmaceutical Works POLPHARMA S.A. Medana Branch in Sieradz Владислав Локетка кўч 10, 98-200 Серадз, Полша   Ўзбекистон Республикаси худудида дори воситаларининг сифати бўйича эътирозлар (таклифлар) ни қабул қилувчи ташкилот номи ва манзили: «Химфарм» АЖ Ўзбекистондаги ваколатхонаси 100084 Ўзбекистон Республикаси, Тошкент ш., Қозитарнов кўч., 50 уй. Тел: +99897 107 55 53 Электрон почта манзили: info.uzbekistan@santo.uz

Препаратнинг савдо номи: Гелисал Таъсир этувчи модда (МНН): печак баргларининг экстракти Дори шакли: сироп. Таркиби: 5 мл сироп қуйидагиларни сақлайди: фаол модда: оддий печак баргларининг қуруқ экстракти (Hederae helicis folii extractum siccum 4–8:1)– 27,78 мг; ёрдамчи моддалар: пропиленгликоль, калий сорбати, кристалланмайдиган суюқ сорбитол (Е420), лимон кислотаси моногидрати, ксантин камеди, арпабодиён ароматизатори, макрогол глицерол гидроксистеарати, тозаланган сув. Таърифи: Сариқ-жигарранг рангли, арпабодиён ўтли хидли қуюқ суюқлик. Хиралашиши ва чўкма ҳосил қилиши мумкин. Фармакотерапевтик гуруҳи: балғам кўчирувчи воситалар. АТХ коди: R05CA12   Фармакологик хусусиятлари Гелисал препарати – ўсимликлардан олинадиган дори воситаси бўлиб, фаол модда - печак баргларининг экстрактини сақлайди. Балғам кўчирувчи, муколитик ва бронхларнинг силлиқ мушакларига кучсиз спазмолитик таъсир кўрсатади. Балғамнинг қовушқоқлигини камайтириб, унинг кўчиши (эвакуацияси) ни тезлаштиришга ёрдам беради. Бу нафасни яхшиланишига, йўтални камайиши ва йўқолишига ёрдам беради. Таъсир механизми охиригача маълум эмас.   Қўлланилиши Ўсимликлардан олинадиган дори препарати бўлиб, балғамли (нам) йўтал балғам кўчирувчи восита сифатида қўлланилади.   Қўллаш усули ва дозалари Дозалаш Ичга, овқатдан кейин буюрилади. Бир ёшгача бўлган болалар — 1,25 мл (1/4 шприц) сироп (бу 6,945 мг оддий печак баргларининг қуруқ экстрактига тўғри келади) суткада 1 марта буюрилади. 1–4 ёшли болалар — 2,5 мл (1/2 шприц) сироп (бу 13,89 мг оддий печак баргларининг қуруқ экстрактига тўғри келади) суткада 2 марта буюрилади; 4–12 ёшли болалар — 2,5 мл (1/2 шприц) сироп (бу 13,89 мг оддий печак баргларининг қуруқ экстрактига тўғри келади) суткада 2-3 марта буюрилади; 12 ёшдан ошган болалар, катталар — 5 мл (тўлиқ шприц) сироп (бу 27,78 мг оддий печак баргларининг қуруқ - экстрактига тўғри келади) суткада 2-3 марта буюрилади; Юбориш йўли Ичга қабул қилинади.   Шприц шаклидаги дозатордан фойдаланиш бўйича йўриқнома

1. Флакон қопқоғи буралади (пасга эзиб, босилади ва соат стрелаксига қарама-қарши буралади).
2. Дозатор флакон бошчасидаги бўшлиққа босиб қиритилган бўлиши керак.
3. Дозаторни тўлдириш учун, флаконни тагини тепага айлантирилади, сўнгра дозатор поршенини эҳтиёткорлик билан пасга тортилади, шприцга препаратнинг зарур бўлган миқдорини олинади.
4. Флаконнни аввалги ҳолатига айлантирилади ва ундан дозторни эҳтиёткорлик билан айлантириб, ажратиб олинади.
5. Дозаторнинг уч қисмини боланинг оғизга киритиб, кейин секин поршенни босиб, дозатор ичидагиси юборилади.
6. Қўллаб бўлгандан кейин, флакондаги қопқоқни яхшилаб буралади; дозаторни ювиб, қуритилади.

Қўллаш давомийлиги Агар дори воситасини қўллашни бошлагандан кейин йўтал бир хафтадан ортиқ сақланиб турса, шифокор ёки фармацевт билан маслаҳатлашиш зарур.   Ножўя таъсирлари Меъда-ичак йўллари томонидан реакциялар (кўнгил айниши, қусиш, диарея) ҳақида хабар берилган. Тез-тезлиги номаълум Аллергик реакциялар (эшакеми, тери тошмалари, юзда қизил доғлар, нафас олишни қийинлашиши) ҳақида маълумотлар мавжуд. Тез-тезлиги номаълум Барча ножўя (ғайри оддий) самаралар, шу жумладан қўллаш бўйича йўриқномада кўрсатилмаган самараларни пайдо бўлиши тўғрисида даволовчи шифокорга хабар бериш лозим.   Қўллаш мумкин бўлмаган ҳолатлар Таъсир этувчи моддага ёки Araliaceae оиласига мансуб ўсимликларига, шунингдек ҳар қандай ёрдамчи моддаларга ўта юқори сезувчанлик реакцияларида қўллаш мумкин эмас.   Дориларнинг ўзаро таъсири Хабар берилмаган. Бироқ, кодеин ёки декстрометорфан каби опиатларни сақловчи, йўталга қарши воситаларни шифокор билан олдиндан маслаҳатлашмасдан бир вақтда қўллаш тавсия этилмайди.       Махсус кўрсатмалар Икки ёшгача бўлган болларда Гелисал препарати билан даволашни шифокор билан маслаҳатлашгандан сўнг бошлаш лозим. 4 ёшгача бўлган болаларда узоқ муддатли ёки қайта такрорланувчи йўталда препарат билан даволашни бошлашдан аввал шифокор билан маслаҳатлашиш лозим. Хансираш, иситма ва йирингли йўталда шифокор ёки фармацевт билан маслаҳатлашиш зарур. Кодеин ёки декстрометорфан каби опиатларни сақловчи, йўталга қарши воситаларни шифокор билан олдиндан маслаҳатлашмасдан бир вақтда қўллаш тавсия этилмайди. Гастрит ва меъданинг яра касаллиги бўлган пациентларга эҳтиёткорлик билан қўллаш лозим. Қандли диабети бўлган беморлар учун маълумот Сироп қанд сақламаслиги туфайли уни диабети бўлган пациентлар қабул қилишлари мумкин. Препарат сорбит сақлайди. 5 мл препаратда 4,2 г кристалланмайдиган суюқ сорбитол (Е420) сақланади, бу 2,94 г сорбитга мувофиқ  келади. Фруктозани наслий ўзлаштираолмайдтган пациентлар препаратни қабул қилмасликлари лозим. Ҳомиладорлик ёки лактация даври.  Препаратни ҳомиладор аёлларда ва эмизикли аёлларда қўллашнинг хавфсизлиги бўйича тадқиқотлар ўтказилмаган. Шунингдек препаратни ҳомилага таъсири бўйича ҳам маълумотлар йўқ. Препаратни фақат она учун фойда, ҳомила учун потенциал хавфдан устун бўлгандагина  қўллаш мумкин. Транспорт воситаларини ёки потенциал хавфли механизмларни бошқариш қобилиятига таъсири.  Таъсир қилмайди.   Дозани ошириб юборилиши Симптомлари Доза ошириб юборилганда кўнгил айниши, қусиш, диарея ва хавотирлик ҳиссини чақириши мумкин. 1,8 г ўсимлик ҳом ашёсига тўғри келадиган, оддий печак баргларининг экстракти тасодифан қабул қилган 4 ёшли болада агрессив ҳолат ва диарея кутатилганлиги  хақида хабар берилган. Даволаш Доза ошириб юборилган ҳолатларида симптоматик даволашни ўтказиш билан пациентни ҳолатини назорат қилиш зарур.   Чиқарилиш шакли 100 мл дан препарат кафолат халқаси бўлган бураладиган полиэтилен қопқоқли ва болаларни флаконни очишига тўсқинлик қилувчи хавфсизлик мосламаси бўлган, адапторли жигарранг полиэтилен флаконларда. Флаконга этикетка ёпиштирилади. Ҳар бир флакон қўллаш бўйича йўриқномаси ва перорал юбориш учун дозатор-шприц билан бирга  картон қутиларга жойланади.   Сақлаш шароити Оригинал ўрамида, 25^оС дан юқори  бўлмаган ҳароратда сақлансин. Маҳкам ёпилган флаконда сақлансин. Препарат болалар ололмайдиган жойда сақлансин.     Яроқлилик муддати 2 йил. Флакон биринчи марта очилганидан кейин препаратни 6 ой давомида ишлатиш мумкин.

Яроқлилик муддати ўтганидан сўнг қўлланилмасин.

  Дорихоналардан бериш тартиби Рецептсиз.   Рўйҳатдан ўтказилганлик гувоҳномасининг эгаси Pharmaceutical Works POLPHARMA S.A. Пельплиньска кўчаси, 19, 83-200 Старогард Гданьски, Полша   Ишлаб чиқарувчи Pharmaceutical Works POLPHARMA S.A. Medana Branch in Sieradz В.Локетка кўч, 10, 98-200 Серадз, Полша   Ўзбекистон Республикаси ҳудудида дори препаратларининг сифати бўйича эътирозлар (таклифлар)ни қабул қилувчи ташкилот номи ва манзили: “Польфарма” АЖ ваколатхонаси, Тошкент ш., Фидокор кўчаси, 32 Тел: + 99897 107 55 99 Автожавоб рақами: + 99871 205 10 48 Электрон почта манзили: info.uzbekistan@santo.uz