Препаратнинг савдо номи: ФИТОЛИЗИН^® Дори шакли: ичга қабул қилиш учун паста Таркиби: 100 г паста қуйидагиларни сақлайди фаол моддалар: оддий золотарник ўти, дала қирқбўғими ўти, аччиқтарон ўти, буғдойиқ илдизпояси, пиёз қипиғи, қайин барглари, пажитник уруғлари, петрушка илдизи, любисток илдизи - 67,2 г; мармарак мойи - 1,0 г, қалампир ялпизли мой 0,5 г, қарағай мойи 0,2 г, ширин апельсин мойи 0,15 г аралашмасининг қуюлтирилган экстракти (1:1,3 – 1,6; спирт 45⁰); ёрдамчи моддалар: глицерин 99,5%, агар, буғдой крахмали, ванилин, этилпарагидроксибензоат (Е214), тозаланган сув Таърифи: майда донадор, ярим қаттиқ консистенцияли, қўнғир-яшил рангли, ўзига хос хушбўй хидли паста. Фармакотерапевтик гуруҳи: Урологияда қўлланадиган бошқа дори воситалари. АТХ коди: G04BC   Фармакологик хусусиятлари Сийдик ҳайдовчи, яллиғланишга қарши, спазмолитик таъсир кўрсатади, қум ва майда конкрементларни сийдик чиқариш йўлларидан ювиб чиқариб юборилишига ёрдам беради, сийдикнинг минерал компонентларини кристалланишини камайтиради.   Қўлланилиши Ўсимликлардан олинадиган анъанавий дори препарати бўлиб, сийдик йўлларининг инфекцион-яллиғланиш касалликлари билан хасталанган пациентларни, уролитиазни (майда конкрементлар, “қум” бор бўлганида) комплекс даволаш таркибида ва нефроуролитиазни профилактикаси сифатида қўлланилади.   Қўллаш усули ва дозалари Катталарга, ичга пастанинг 1 чой қошиғини 1/2 стакан илиқ, ширин сувда эритиб, кунига 3-4 марта овқатдан кейин қабул қилиш буюрилади. Кекса ёшдаги пациентлар: кекса ёшдаги пациентлар учун дозани модификация қилиш тавсия этилмайди. Болалар ва 18 ёшгача бўлган ўсмирлар: 18 ёшгача бўлган болаларда препаратнинг хавфсизлиги ва самарадорлиги аниқланмаган. Буйрак етишмовчилиги бўлган пациентлар: Фитолизин^® ни буйрак етишмовчилиги бўлган пациентларда қўллаш мумкин эмас. Жигар етишмовчилиги бўлган пациентлар: жигар етишмовчилиги бўлган пациентларда препаратни дозалаш тартиби юзасидан тавсиялар йўқ. Препаратни қўллаш курси давомийлиги: препаратни кўпи билан 2-4 ҳафта давомида ишлатиш мумкин. Агар симптомлар кучайса ёки ўтиб кетмаса, зудлик билан шифокорга мурожаат қилиш керак. Диурезни кучайишини таъминлаш учун адекват миқдорда суюқлик қабул қилиш тавсия қилинган.     Ножўя таъсирлари Ножўя таъсирларни юз бериш тезлиги юз бериш тезлигига мувофиқ қуйидаги тарзда таснифланган: жуда тез-тез (≥1/10); тез-тез (≥1/100 дан <1/10 гача); тез-тез эмас (≥1/1,000 дан <1/100 гача); кам ҳолларда (≥1/10,000 дан <1/1,000 гача); жуда кам ҳолларда (<1/10,000); тез-тезлиги номаълум: мавжуд маълумотлар асосида тезлигини аниқлш мумкин эмас. Ультрабинафша нурларга юқори сезувчанликда фотосенсибилизация кўринишлари юз бериши мумкин. Оқ қайин барги Меъда-ичак йўллари томонидан бузилишлар (кўнгил айниши, қусиш, диарея) ва аллергик реакциялар (қичишиш, тошма, эшакеми, аллергик ринит). Тез-тезлиги номаълум. Пажитник Меъда-ичак йўллари томонидан бузилишлар: қоринни дам бўлиши, диарея. Нерв тизими томонидан бузилишлар: бош айланиши. Тез-тезлиги номаълум. Оддий Золотарник Меъда-ичак йўллари томонидан бузилишлар ва аллергик реакциялар. Тез-тезлиги номаълум. Дала қирқбўғими Меъда-ичак йўллари томонидан ўртача бузилишлар ва аллергик реакциялар (масалан, тошма). Тез-тезлиги номаълум.   Қўллаш мумкин бўлмаган ҳолатлар

• Препаратнинг компонентларига индивидуал юқори сезувчанлик (препаратнинг компонентларига аллергик реакциялар), астрадошлар (мураккаб гулдошлар) (Asteraceae (Compositae)), соябонлилар оиласи ўсимликларига, золотарникка, любистокка ёки оқ қайин чангига (оқ қайин баргига) индивидуал юқори сезувчанлик
• буйрак етишмовчилиги
• юрак етишмовчилиги
• юрак ёки буйрак касаллиги оқибатидаги шишларда қўллаш мумкин эмас.

  Дориларнинг ўзаро таъсири Препаратнинг сийдикни ҳайдовчи таъсири туфайли, бошқа бир вақтда қўлланилаётган дори воситаларининг тез чиқариб юборилиши эҳтимолини хисобга олиш керак. Фитолизин^® қуйидагиларнинг таъсирини кучайтириши мумкин: - антикоагулянтлар, ностероид яллиғланишга қарши препаратлар - гипогликемик дори воситалари - литий тузларини сақловчи дори воситалари - моноаминооксидаза ингибиторларининг таъсирини кучайтириши мумкин - пентобарбитал, аминопирин ва парацетамолнинг таъсирини узайтириши мумкин. Фитолизин^® ингичка ичакда дори воситаларини сўрилишини, шу жумладан, бета-каротин, альфа-токоферол ва холестеринни сўрилишини камайтириши мумкин   Махсус кўрсатмалар Агар симптомлар кучайса, ўтиб кетмаса ёки уларга ёндош равишда иситма, оғриқ ва сийишни қийинлашиши ёки сийдикда қон пайдо бўлиши кузатилса, зудлик билан шифокорга мурожаат қилиш керак. Фитолизин^®  ни 18 ёшгача бўлган болалар ва ўсмирларда қўллаш тавсия этилмайди. Дори препарати кўпи билан 4% (ҳажм/ҳажм) этанол сақлайди, яъни бир дозада кўпи билан 200 мг этанол сақланади, бу 5 мл пиво ёки 2 мл винога эквивалентдир. У алкоголизм билан азият чекувчи пациентларга зарар келтириши мумкин. Препаратнинг таркибида этанолни борлиги, препарат ҳомиладор ёки эмизикли аёлларга, болаларга ёки жигар касалликлари диагностика қилинган ёки тутқаноғи бўлган пациентларга буюрилганда эътиборга олиниши керак. Пажитникнинг қандни пасайтирувчи самараси туфайли, диабет юзасидан даволанаётган пациентларда қонда қанд даражасини синчков назоратини амалга ошириш керак. Фитолизин^® буғдой крахмали сақлайди. Буғдой крахмали глютен сақлаши мумкин, бироқ фақат жуда ҳам оз миқдорларда сақлаши мумкин. Фитолизин^® этилпарагидроксибензоат сақлайди, у юқори сезувчанлик реакциясини (секин кечувчи реакцияни) чақириши мумкин. Фитолизин^® препаратини қўллаш вақтида кўп миқдорда суюқлик қабул қилиш тавсия этилади. Ҳомиладорлик ва лактация даврда препаратни қўлланиши Препаратнинг компонентларини генотоксик таъсирга тааллуқли бўлган етарли маълумотлар йўқлиги сабабли, препаратни ҳомиладорлик ва эмизиклик даврида қўллаш тавсия этилмайди. Препаратни ҳомиладорлик даврида, агар шифокор фикрига кўра, она учун кутилаётган фойда ҳомила учун потенциал хавфдан устун бўлса, қўллаш мумкин. Автотранспортни ва потенциал хавфли механизмларни бошқариш қобилиятига таъсирини ўзига хослиги Ҳозирги вақтга қадар диққатни юқори жамлаш ва психомотор реакцияларнинг тезлигини талаб этувчи потенциал хавфли фаолият турларини бажариш қобилиятига салбий таъсири аниқланмаган, бироқ препаратда этанол сақланишини ҳисобга олиш керак. Бир доза 5 мл пиво ёки 2 мл винога тўғри келади.   Дозани ошириб юборилиши Хозирги вақтгача дозани ошириб юборилиши ҳоллари аниқланмаган.   Чиқарилиш шакли Ичга қабул қилиш учун паста; 100 г дан ички юзаси лак билан қопланган алюминий тубаларда. Ҳар бир туба тиббиётда қўллаш бўйича йўриқномаси билан бирга картон қутига жойланади.   Сақлаш шароити Ёпиқ ўрамларда, 25⁰С дан юқори бўлмаган ҳароратда сақлансин. Болалар ололмайдиган жойда сақлансин.   Яроқлилик муддати 3 йил. Яроқлилик муддати ўтганидан кейин ишлатилмасин.   Дорихоналардан бериш тартиби Шифокор рецептисиз.   Рўйҳатдан ўтказилганлик гувоҳномаси эгаси «ПОЛЬФАРМА» АЖ фармацевтика заводи Пельплиньска кўчаси 19, 83-200 Старогард Гданьски, Польша   Ишлаб чиқарувчи: Гербаполь Варшава МЧЖ Польша, 05-800 Прушков, Олувков кўч. 54.   Дори воситаларини сифати бўйича эътирозлар (таклифлар) ни қабул қилувчи ташкилот номи ва манзили “Польфарма” ваколатхонаси АЖ, Тошкент ш., Фидокор кўч., 32 Тел: +99871 150 21 74, 150 21 75, 150 21 76 Факс: +998971 150 21 77

Препаратнинг савдо номи: Цевикап^® Таъсир этувчи модда (ХПН): аскорбин кислотаси Дори шакли: ичиш учун томчилар, эритма Таркиби:  1 мл (тахминан 20 томчи) қуйидагиларни сақлайди: фаол модда: аскорбин кислотаси (С витамини) 100 мг; ёрдамчи моддалар: сувсиз глицерин, тозаланган сув 1 мл гача. Таърифи: оч сариқ ёки сариқ эритма. Фармакотерапевтик гуруҳи: витаминлар, С витамини препаратлари АТХ коди: А11GА01   Фармакологик хусусиятлари Фармакодинамикаси Аскорбин кислотаси сувда эрийди. Коллаген ва ҳужайралараро модда ҳосил бўлишида аҳамиятли роль ўйнаб, тоғай, суяк ва тишларнинг мувофиқ ривожланиши, жароҳатларнинг битиш жараёнларини тўғри кечишини, шунингдек капилляр қон томирларнинг механик турғунлиги сақлаб қолинишини асослаб беради. Пролин ва лизиннинг гидроксил гуруҳини бирикиши, холестериндан ўт кислоталарининг ҳосил бўлиши, темир, фолат кислота метаболизми ва фенилаланин оксидланишида иштирок этади. С витамини глутатион, цитохром С, флавин ва пиридин нуклеотидлари билан оксидланиш-қайтарилиш мажмуаларини ҳосил қилади. Аскорбин кислотаси антиоксидант хусусиятларга эга бўлиб, липидлар қайта оксидланишини тормозлайди ва эркин кислород радикалларини фаоллаштирмади. Простациклин синтезини рағбатлантиради ва тромбоксан ҳосил бўлишини тормозлайди. С витамини танқислигининг сабаби, энг аввало, овқат билан етарли даражада тушмаслигидир. Айниқса, алкоголни суистеъмол қилувчилар, сунъий овқатланишдаги болалар ва кекса ёшдаги пациентлар танқисликка дучор бўлади. Танқисликнинг илк босқичида ўзини ёмон ҳис қилиш, таъсирчанлик, бўғимларда оғриқ, соч фолликулалари гиперкератози (соч лишайи), бурундан қон кетиши, нишонли қон қуйилишлари кузатилади. С витамини танқислиги цинга (скорбут) деб номланувчи синдромга олиб келади. Биринчи навбатда коллаген таркибий қисмининг бузилиши оқибатида юзага келувчи ўзгаришлар ривожланади. Симптомлар, энг аввало, суяк тўқимаси ва қон томирларда намоён бўлади (суяклар, тоғайларда ўзгаришлар, қон кетиши, анемия, жароҳатлар ва синиқларнинг секин битиши. Ушбу симптомлар С витаминини қабул қилгандан сўнг йўқолади). С витаминига юқори эҳтиёж вирусли инфекцияларда, иммунитетнинг бузилишида, қийин битувчи жароҳатларда, узоқ давом этувчи иситмали титроқда, чекишда, диабетда, туберкулёзда, инфаркт ва ўткир панкреатитда, шунингдек жадал жисмоний юкламада кузатилади. Фармакокинетикаси Аскорбин кислотаси меъда-ичак йўлларидан (МИЙ) осон сўрилади. Соғлом одамларда қондаги нормал концентрацияси 0,5-1,5 мг/100 мл ни ташкил қилади. С витамини ҳам плазмада, ҳам организмнинг деярли барча ҳужайраларида учрайди (хусусан, лейкоцитлар ва тромбоцитларда). Энг юқори концентрация аденоид тўқималарда, энг пасти – мушаклар ва ёғ тўқимасида кузатилади. Ҳужайраларга дегидроаскорбин кислотаси кўринишида глюкоза иштирокида ташилади. Ҳужайраларда дегидроаскорбин кислотаси аскорбин кислотасига айланади ва шу кўринишда сақланади. Аскорбин кислотаси асосан сийдик билан чиқарилувчи оксалатларгача парчаланади. Аскорбин кислотасининг чиқарилиши 1,5 мг/100 мл қон плазмасини ташкил қилувчи, шартли равишда аталувчи буйрак чегараси орқали назорат қилинади. Ушбу кўрсаткичдан ошиб кетиш ўзгармаган ҳолда сийдик билан чиқарилишнинг ортишига олиб келади. Аскорбин кислотаси ўт суюқлиги билан ҳам чиқарилади. Сийдик билан чиқарилиши даражаси тўқималарнинг тўйинганлигига ҳам боғлиқ. Аҳамиятли даражадаги танқислик ҳолатларида буйрак орқали чиқарилиши аҳамиятли тарзда чекланган. Аскорбин кислотаси йўлдош тўсиғидан ўтади, шунингдек эмизаётган аёллар кўкрак сутига ҳам киради.   Қўлланилиши Мувофиқ пархез қўллаш етарли бўлмаган ҳолатларда С витамини танқислигининг олдини олиш ва уни даволашда қўлланади.   Қўллаш усули ва дозалар Ичга ичиш учун буюрилади. 3 ёшгача бўлган болаларга препарат шифокор билан келишилгандан сўнг берилсин. Бир томчи 5 мг С витаминини сақлайди. Шифокорнинг бошқа кўрсатмалари бўлмаганда: - чақалоқлар ва 2 ёшгача бўлган болаларга: суткада 5-8 томчидан, шарбат ёки овқатга қўшиб берилсин. - 2 ёшдан 11 ёшгача бўлган болаларга: суткада 10 томчидан. - 12 дан 17 ёшгача бўлган ўсмирларга: суткада 15-20 томчидан.   Ножўя таъсирлари Препарат тавсия қилинган дозаларда яхши ўзлаштирилади. Ножўя самаралар юқори (суткада 1 г дан кўп) дозаларни қўллаш ҳолатларига тегишлидир. Қон ва лимфа тизими томонидан бузилишлар. С витаминининг юқори дозалари глюкоза-6-фосфатдегидрогеназа танқислиги бўлган пациентлар томонидан қабул қилинганда, гемолиз ривожланиши мумкин. Меъда-ичак йўллари томонидан бузилишлар Суткалик доза 1 г ёки ундан юқори дозада қабул қилинганда, МИЙ томонидан симптомлар, масалан, диареянинг эҳтимоли бор. Аскорбин кислотасини юқори дозаларда узоқ муддат қўллаш ўрганиб қолишликнинг сабаби бўлиши мумкин, бу эса қабул қилиш тўхтатилганда танқисликка олиб келиши мумкин. Буйрак ва сийдик чиқариш йўллари томонидан бузилишлар Юқори дозалардаги аскорбин кислотаси оксалат кислотасининг сийдик билан жуда кўп миқдорда чиқарилиши, уратлар ва цитратларнинг криссталланиш сабаби бўлиши мумкин, бу сийдик чиқариш йўлларида тошлар ҳосил бўлиши хавфини оширади. Нохуш ножўя таъсирлар ҳолати хақида маълумотлар Тиббиётда қўлланилишига доир йўриқномада эслатиб ўтилган хар қандай ножўя таъсирларни кучайиши ёки ножўя таъсирлар пайдо бўлган ҳолларда шифокор ёки фармацевтга мурожаат қилиш керак. Шубхали ножўя таъсирларнинг барча ҳолатлари хақида тиббий ходим хабар бериши керак. Шундай ножўя таъсирлар ҳақида хабарлар туфайли препаратни қўллашдаги хавфсизлиги хақида кенг маълумот йиғиш мумкин.     Қўллаш мумкин бўлмаган ҳолатлар Аскорбин кислотаси ва/ёки препаратнинг бошқа компонентларига юқори сезувчанлик. Оксалат сийдик-тош касаллиги. Темир алмашинувининг бузилишлари (талассемия, гемохроматоз, сидеробластик камқонлик).   Дориларнинг ўзаро таъсири Пациент қабул қилган ёки охирги вақтларда қабул қилаётган (шу жумладан назал қўллаш учун препаратлар) барча дори препаратлари, ҳамда қабул қилишни пациент режалаштираётган препаратлар хақида шифокор ёки фармацевтга хабар қилиш керак. Цевикапни мис ва темир бирикмаларини сақлаган препаратлар, шунингдек оксидловчи хусусиятларга эга воситалар билан кимёвий номутаносиблик туфайли, мажмуада қабул қилиш мумкин эмас. Аскорбин кислотасини 200 мг дан ортиқ дозаларда қабул қилиш бир вақтда қабул қилинган темирнинг МИЙдан сўрилишини кучайтиради. Аскорбин кислотаси ва ацетил салицил кислотаси бир вақтда қабул қилинганда аскорбин кислотаси чиқарилишининг тезлашиши ва ацетил салицил кислотаси чиқарилишининг секинлашиши кузатилади. Аскорбин кислотаси парацетамол ярим чиқарилиш даврини узайтиради, кунига 1 г дан ортиқ дозаларда эса трициклик антидепрессантлар, фенотиазин ҳосилалари ва аминогликозид антибиотиклар таъсири самарадорлигини пасайтириши мумкин. Аскорбин кислотаси ва В₁₂ витаминини (цианокобаламин) бир вақтда қабул қилиш цианокобаламин самарадорлиги пасайишининг сабаби бўлиши мумкин. Аскорбин кислотасини қабул қилиш α-токоферолнинг плазмадаги концентрациясини оширади, бунда токоферол аскорбин кислотасининг концентрациясига таъсир қилади. Аскорбин кислотаси дори препаратларининг терапевтик самараларига жигар метаболизмини ўзгартириш йўли билан таъсир кўрсатиши мумкин.   Махсус кўрсатмалар Препаратни қўллашни бошлашдан олдин шифокор ёки фармацевт билан маслахатлашиш керак. Катта дозаларда қабул қилинаётган С витамини оксидаза усуллар билан ўтказиладиган айрим лаборатория таҳлиллари, масалан глюкоза ёки креатинин қон ва сийдикдаги миқдорий таҳлили натижаларини нотўғри кўрсатиши мумкин. Ҳомиладорлик ва эмизиш даври Агар аёл пациент ҳомиладор бўлса, бола эмизаётган бўлса,ҳомиладорликка шубхаси бўлса, ёки ҳомиладорликни режалаштираётган бўлса препаратни қўллашдан олдин у шифокор ёки фармацевт билан маслахатлашиши керак. Аскорбин кислотаиснинг ҳомиладорликда тавсия қилинган суткалик дозаси 80 мг, эмизиш даврида – 100 мг ташкил қилади. С витаминининг одамлардаги тератоген таъсири аниқланмаган, лекин 5 г дан ортиқ дозалар ҳомиладорликнинг узилишига сабаб бўлиши мумкин. С витаминининг ҳомиладорликдаги юқори дозалари, туғруқдан сўнг янги туғилган чақалоқларда С витамини танқислиги симптомларини чақириши мумкин. Аскорбин кислотаси эмизикли аёллар сутига киради. Оналари мос келувчи миқдорда С витаминини қабул қилаётган эмизишда бўлган болаларга қўшимча тарзда С витаминини буюриш зарурияти йўқ. Эмизиш даврида С витаминининг катта дозаларини қўллашдан сақланиши керак. Транспорт воситаларини ва мураккаб механизмларни ҳайдаш қобилиятига таъсири. Таъсир қилмайди.   Дозанинг ошириб юборилиши Дозанинг ошириб юборилиш ҳолатлари ҳақида хабарлар берилмаган. Бирламчи буйрак касалликлари бўлган пациентларда доза ошириб юборилган тақдирда суюқлик тутилиши, гипонатриемия ва гипохлоремия эҳтимоли бор.   Чиқарилиш шакли 10 мл ёки 30 мл дан, ичида томчилагич ва кафолат ҳалқали бураладиган қопқоқли тўқ шиша флаконларда. 1 флакон тиббиётда қўлланилишига доир йўриқномаси билан бирга картон қутида.   Сақлаш шароити Маҳкам ёпилган флаконда, 25^оС дан бқори бўлмаган ҳароратда сақлансин Ёруғликдан ҳимоя қилинсин. Болалар ололмайдиган жойда сақлансин.     Яроқлилик муддати 2 йил. Очилган флаконни 6 ой давомида ишлатиш керак. Яроқлилик муддати ўтгач қўлланилмасин.   Дорихоналардан бериш тартиби Рецептсиз.   Рўйҳатдан ўтказилганлик гувоҳномасининг эгаси «Химфарм» АЖ Қозоғистон Республикаси, Шымкент ш. 160019, Рашидов кўчаси, 81   Ишлаб чиқарувчи Pharmaceutical Works POLPHARMA S.A. Medana Branch in Sieradz Владислава Локетка кўч, 10, 98-200 Серадз, Полша   Ўзбекистон Республикаси ҳудудида дори воситасининг сифати бўйича шикоятлар (таклифлар) ни қабул қилувчи ташкилот номи ва манзили: «Химфарм» АЖнинг ваколатхонаси, Ўзбекистон Республикаси Тошкент ш., Қозитарнов кўч., 50 уй, 100084 Тел: +99897 107 55 53 Электрон почта манзили: info.uzbekistan@santo.uz